Astrit Gashi, analist në “Debat Plus”, ka shkruar një status, në të cilin ka komentuar shtimin e trupave të KFOR-it sot mbi Urën e Ibrit.
Në shkrimin e tij, Gashi ka publikuar një fotografi të vjetër të Urës së Ibrit, ku shihen ushtarë të KFOR-it të stacionuar mbi këtë urë.
Ai ka shkruar se shpreson që mos të “shkojmë drejt një mbylljeje të hekurët” të Urës së Ibrit.
“Kjo eshte Ura e Ibrit ne vitet 2000. Shpresoj se nuk po shkojme drejt nje mbyllje te hekurt si kjo ose ngjashem, perderisa synuam hapjen e plote te saj.
Fatkeqesisht shtimi i pranise se KFOR’it sot me automjete dhe ushtare, me duket nje paralajmerim ogurzi, qe shpresoj shume se nuk do te behet realitet.
Nje pamje e tille do te me merziste edhe me shume tash, sikur edhe atehere, 20 e kusur vite me pare, kur shpesh si gazetar kam raportuar nga atje” – ka shkruar ai.
