Sot po mbahen të pamet në palestrën “Ilaz Kodra” në Skenderaj pas varrimit të, Haxhi Thaçit, babait të ish-presidentit Hashim Thaçi. Në mungesë të tij, ka folur vëllai i tij Gani Thaçi.
Thaçi i ka falënderuar të gjithë ata që po vijnë për ta ngushëlluar familjen.
Thaçi tha se mungesa e ish-presidentit në këto dhimbje e madhe për familjen.
“Mungesa është e madhe. Së pari është mungesa për prindin, dhimbje e madhe është që nuk është Hashimi, se ky prind i joni na ka rritur, na ka edukuar, na ka frymëzuar, të gjitha na ka dhënë. Tash pas luftës, pas çlirimit, mos me pas mundësi frymën e fundit me dhënë afër djalit, që mos me qenë modest në këtë rast është njeri i madh”, tha ai.
Ai theksoi se shpreson që vëllai i tij do të lejohet këto ditë ta vizitojë familjen.
Tutje, ai theksoi se moslejimi i presidentit për të marrë pjesë në varrim është padrejtësi.
Gani Thaçi, me këtë rast theksoi se i kanë kryer të gjitha procedurat dhe shpreson që Haga do ta lejojë ish presidentin ta vizitojë familjen e tij.
