Mali Etna i Sicilisë ka tërhequr përsëri vëmendjen globale, duke dhënë një shfaqje spektakolare ndërsa dërgoi një re të madhe tymi dhe hiri disa kilometra në qiell.
Pavarësisht skenave dramatike, zyrtarët siguruan publikun se aktiviteti vullkanik nuk përbënte rrezik për banorët.
Sidoqoftë, autoritetet ngritën nivelin e alarmit në aeroportin e Katanias të hënën në përgjigje të aktivitetit vullkanik.
Megjithatë, fluturimet vazhduan normalisht, pa u raportuar ndërprerje të menjëhershme.
Deri në pasdite, një përditësim zyrtar njoftoi se emetimi i reve të hirit vullkanik kishte pushuar.
Sipas Institutit Kombëtar të Gjeofizikës dhe Vullkanologjisë INGV të Italisë, spektakli i paraqitur nga vullkani më aktiv i Evropës u shkaktua kur një pjesë e kraterit juglindor u shemb, duke rezultuar në një kaskadë rrjedhash të lavës së nxehtë.
Incidenti shënoi fazën e 14-të të tillë shpërthyese në muajt e fundit.
Zona e rrezikut ishte e kufizuar në majën e Etna, e cila u mbyll për turistët si masë paraprake, tha zyrtari i INGV, Stefano Branca.
Imazhet dramatike të shpërthimit u bënë shpejt virale në mediat sociale, disa prej të cilave ua sjellim më poshtë.
