Numri i rasteve të dhunës në vendin tonë është në rritje çdo ditë e më shumë. Çdo ditë gra që përjetojnë dhunë nga familjarët e tyre, kryesisht bashkëshortët, kërkojnë ndihmën e Policisë për të marrë mbrojtje dhe për të zgjidhur problemet.
Një rast i tillë ka ndodh edhe në Fushë Kosovë, në orët e para të mëngjesit të sotëm.
Burimet bëjnë me dije se viktima ka raportuar në Polici se ish-bashkëshorti i saj ka shkuar te dera e banesës së saj dhe e ka sulmuar fizikisht.
Si pasojë, viktima ka marrë trajtim mjekësor për lëndimet e pësuara.
Ndërkohë, i dyshuari është intervistuar në cilësinë e të dyshuarit dhe ndaj tij është hapur rast për “dhunë në familje”.
I dyshuari me vendim të Prokurorit është liruar në procedurë të rregullt.
