Një ngjarje e rëndë ka ndodhur sot në komunën e Obiliqit, ku një grua dyshohet se i ka dhënë fund jetës në mënyrë tragjike.
Burime të Gazetës bëjnë me dije se rasti është raportuar rreth orës 13:00, kur Policia është njoftuar nga Qendra Kryesore e Mjekësisë Familjare në Obiliq për një person të gjetur të varur në fshatin Raskovë, në rrugën “Dukati”.
Viktima është Fitime Isufi, rreth 47- vjeçare.
Në vendin e ngjarjes kanë dalë njësitë policore dhe ekipi mjekësor, të cilët, pas verifikimeve fillestare, kanë konstatuar se viktima është pa shenja jete.
Mjeku kujdestar ka konstatuar vdekjen e saj në vend, ndërsa hetimet rreth rrethanave të ngjarjes tashmë janë në duart e Policisë dhe Prokurorisë për të zbardhur motivet dhe detajet e rastit.
Gazeta me ndjeshmëri të plotë për këtë ngjarje, do të sjellë informacionet e reja vetëm në përputhje me konfirmimet zyrtare.
