Një grua që jeton në Dubai thotë se burri i saj i pasur i ka blerë një ishull prej 50 milionë dollarësh, që të mund të veshë bikini në plazh.
Soudi Al Nadak, tepër e njohur TikTok dhe me origjinë nga Sussex, shpesh poston përmbajtje në lidhje me marrëdhënien e saj me biznesmenin Jamal Al Nadak. 26-vjeçarja, e cila e quan veten një “shtëpiake me kohë të plotë”, tregon pasurinë e tyre në një seri videosh.
Në një postim të fundit për 336,000 ndjekësit e saj, ajo zbuloi se ekstravaganca e fundit e bërë nga Jamal ishte në një “ishull në Azi”.
Ajo shkroi: “POV: Dëshiroje të vishje bikini kështu që burri yt milioner të bleu një ishull”
Ajo tha për “Hindustan Times” : Ishte diçka që ne po kërkonim të bënim për investime dhe burri im dëshiron që unë të ndihem e sigurtë në një plazh, prandaj ai bleu një ishull. Për arsye të privatësisë, ne nuk po ndajmë vendndodhjen e saktë, por është në Azi dhe ishte 50 milionë dollarë.
Soudi ndan udhëtimet e saj të shtrenjta për blerje, rregullime të fytyrës dhe darka të bukura të paguara nga burri i saj milioner Jamal. Ndërsa shijonte jetën e shtrenjtë, Soudi tregoi se ajo ka vetëm një rregull për të jetuar dhe ai është të “dukesh gjithmonë bukur”.
