Një delegacion i kryesuar nga presidenti i entitetit serb në Bosnjë-Hercegovinë, Milorad Dodik, që aktualisht është në kërkim, zbarkoi të martën në aeroportin Ben Gurion në Tel-Aviv të Izraelit, ka raportuar “Oslobodjenje”.
Avioni i Qeverisë së Republikës Srpska është nisur nga Banjalluka për në Beograd e më pas ka fluturuar drejt Izraelit. Largimi i Dodikut shkaktoi reagim të Policisë Kufitare në Bosnjë-Hercegovinë, pasi me urdhër të drejtorit Mirko Kupresakoviq nisi një hetim mbi mënyrën se si ai e ka kaluar kufirin shtetëror.
Ky institucion ka njoftuar se do t’i marrë të gjitha masat e nevojshme për mbrojtje të kufirit dhe ruajtje të sigurisë.
Vizita e Dodikut në Izrael lidhet me konferencën kundër antisemitizmit, e cila do të mbahet më 26 dhe 27 mars në Jerusalem.
Postimi i Dodikut në X:
https://x.com/MiloradDodik/status/1904542099602567312?ref_src=twsrc%5Etfw%7Ctwcamp%5Etweetembed%7Ctwterm%5E1904542099602567312%7Ctwgr%5E469bd62abe069a4bdf087563d0ffd983b3c2d76e%7Ctwcon%5Es1_&ref_url=https%3A%2F%2Fwww.koha.net%2Fbote%2Fdodiku-iken-nga-bosnje-hercegovina-policia-kufitare-nis-hetimet
