Një grua është gjetur pa shenja jete në një shtëpi në Shtërpcë e cila ishte përfshirë nga zjarri më 24.03.2025 rreth orës 06:30, njofton Policia e Kosovës.
Trupi i pa jetë ishte gjetur pasi zjarrfikësit kishin fikur zjarrin.
“Raportohet se është përfshirë nga zjarri një shtëpi. Në vendin e ngjarjes kanë dalë njësitë përkatëse, ndërsa ekipi zjarrfikës ka lokalizuar dhe fikur zjarrin. Gjatë kontrollit të shtëpisë së përfshirë nga zjarri është gjetur pa shenja jete viktima femër kosovare, vdekjen e të cilës e ka konstatuar ekipi mjekësor.” – njoftoi Policia në raportin 24 orësh.
Me vendim të prokurorit trupi i pajetë është dërguar në Institutit të Mjekësisë Ligjore për obduksion.
