Në rastin ndaj Hashim Thaçit, Kadri Veselit, Rexhep Selimit dhe Jakup Krasniqit, të martën ishte planifikuar të dëshmonte dëshmitari i 126-të, por ai nuk arriti të paraqitet në Hagë.
Si pasojë, kryetari i trupit gjykues, Charles Smith III, njoftoi se Zyra e Prokurorit të Specializuar (ZPS) ka kërkuar që dëshmia e tij të pranohet sipas Rregullës 155.
“Sot, si rregull, do të kishim filluar dëgjimin e dëshmisë së dëshmitarit të Prokurorisë W04747. Sidoqoftë, dëshmitari nuk është në gjendje të vijë sot dhe ZPS-ja do të kërkojë që dëshmia e tij të pranohet sipas Rregullës 155”, tha Smith.
Ky rregull parashikon që gjykatësit mund të pranojnë një deklaratë ose transkriptë me shkrim të dëshmitarit, pa e pasur atë të paraqitur në gjykatë, nëse ai është i padisponueshëm.
Parashtrimet e ZPS-së u bënë në seancë private, pa praninë e publikut.
