Naim Maloku insiston që UÇK-ja ishte ushtri vullnetare, e tillë u formua e në të kushdo hynte e dilte, po ashtu kur ia donte qejfi.
Për ta forcuar dëshminë në ditën e 3 në Hagë, mori një shembull.
Zgjoi reagimin e Jakup Krasniqit, jo kur tha se ishte zëvendëskomandant i Shtabit të Përgjithshëm për dy muaj, por kur e kritikoi për detyrën si zëdhënës, pas 27 vjetësh.
U përmend edhe Rexhep Selimi.
10-shin e luftës, me nofkën Agroni, tash i akuzuar në Hagë, donte ta përfshinte me patjetër në diskutim gjyqtari Christoph Barthe.
Teksa pyeste Malokun për një Agron që e donte Lahi Brahimaj në krye të Zonës së Dukagjinit, reagoi avokati i Rexhep Selimit.
E Hashim Thaçi s’u përmbajt me ngërdheshje kur ia dëgjoi përgjigjen gjyqtarit.
Maloku mund të jetë dëshmitari i fundit publik i prokurorisë. 2 pas tij janë planifikuar të flasin në seanca private.
