Analisti politik, Arton Demhasaj ka akuzuar kryeministrin Kurti për shkatërrim të demokracisë në Kosovë.
Ai këtë e ka thënë duke folur për mospjesëmarrjen e Kurtit në takimin e ftuar nga presidentja Osmani për të diskutuar për datën e zgjedhjeve paralamnetar.
Demhasaj ka thënë se Kurti nuk ka qenë i interesuar për të marrë pjesë në këtë takim.
“Kryeministri Kurti, lideri i Vetëvendosjes i cili vazhdimisht flet për demokracinë, është personi që më së shumti është duke e shkatërruar demokracinë e konsoliduar të Kosovës. Nëse Lëvizja Vetëvendosje ka pas vullnet me marrë pjesë në takim me kryeministrin Kurti dhe pamundësia e tij për të marrë pjesë në takim, atëherë kish mund më kërkuar nga presidentja me u shty takimi. Thjeshtë s’ka deshtë me shku, prandaj po thamë që është shkatërruesi më i madh i demokracisë”, ka thënë ai.
Kurti nuk mori pjesë në takimin e presidentes me kryetarët e partive, nga Qeveria u tha se kishte një drekë me ambasadorët e akredituar në Kosovë.
Ndërsa, që nga presidentja u tha që ishte refuzuar pjesëmarrja e Glauk Konjufcës si nënkryetar i partisë, pasi në agjendë ka qenë takimi me kryetarët e partive.
