Mark Zuckerberg, drejtuesi i platformës META, ka tërhequr vëmendjen në rrjetet sociale pas disa pamjeve që janë bërë virale, gjatë ceremonisë inauguruese të Donald Trump si president i Shteteve të Bashkuara.
Në pamjet e shkëputura, Zuckerberg është parë i ulur pranë Lauren Sanchez, e fejuara e themeluesit të Amazon, Jeff Bezos. Kamera e ka kapur atë duke hedhur një vështrim në dekoltenë e ekspozuar të Sanchez. 55-vjeçarja kishte zgjedhur një kostum të bardhë, me një xhaketë të hapur në pjesën e gjoksit dhe të brendshme të bardha me detaje mëndafshi.
Një tjetër moment që ka nxitur reagime ka qenë një “like” që Zuckerberg i ka bërë një postimi të Sanchez në Instagram.
Kjo ka shkaktuar një reagim të menjëhershëm nga përdoruesit e rrjeteve sociale, të cilët kanë shpërndarë memet dhe spekulimet për këtë ngjarje.
Disa komentues janë shprehur se Zuckerberg mund të ketë krijuar një situatë xhelozie për gruan e tij, Priscilla Chan, me të cilën është i martuar që nga viti 2012 dhe nëpër rrjet kanë shpërthyer fjalët dhe bastet rreth një divorci të mundshëm.
