Ish kapiteni i kombëtares së Shqipërisë, Lorik Cana, gjatë këtyre ditëve ka folur për shortin ku Serbia është në grup me Shqipërinë në kuadër të kualifikueseve për Kampionatin Botëror.
Deklarata e Canës godet serbët për faktin se ka folur edhe për vitin 2014 pikërisht për ndeshjen e ndërprerë të 14 tetorit, të cilën pas një kohe CAS e regjistroi me rezultat zyrtar 3:0 për Shqipërinë.
Gjatë kësaj ndeshje huliganët serbë me maska u futen në fushën e stadiumit të Partizanit në Beograd duke sulmuar futbollistët e kombëtares shqiptare.
Pamfleti serb “Kurir” sot i ka kushtuar një shkrim Canës, ku ndër tjera veçohet edhe deklarata e fuqishme e Canës.
“10 vjet më parë e lamë Serbinë pas nesh në grup dhe mund të bëjmë të njëjtën gjë përsëri tani duke pasur parasysh se Anglia është favorite për vendin parë”, ka thënë mes të tjera Cana.
