Në seancën konstituive të Kuvendit, kryesuesi Avni Dehari ka ndërprerë fjalën e deputetes së Lidhjes Demokratike të Kosovës (LDK), Hykmete Bajrami, gjatë kohës që ajo ishte në foltore për të sqaruar qëndrimin e partisë së saj lidhur me komisionin për votim të fshehtë.
“Dola këtu për të thënë se mundesh me na thirrë çdo 48 orë dhe me propozu dikë”, deklaroi Bajrami, duke theksuar se LDK-ja nuk do të propozojë asnjë anëtar për këtë komision.
Megjithatë, Dehari reagoi menjëherë, duke kërkuar nga regjisë që t’i ndalet fjala deputetes, duke përshkallëzuar kështu tensionet politike në Kuvendin e Kosovës.
