Nënkryetarja e PDK-së, Vlora Çitaku, ka reaguar për shakanë në të cilën ra kryeministri i Kosovës, Albin Kurti.
Duke komentuar bisedën, ajo tha se përmbajtja është skandaloze.
Çitaku tha se Kurti ka sulmuar opozitën, mediat e bizneset.
Postimi:
E dëgjova bisedën ku Kryeministri Kurti kishte rënë në grackën e komedianëve rusë, duke besuar se po fliste me Presidentin e Letonisë. Të biesh në grackë nuk është pjesa më e turpshme – për këtë duhej të kujdesej kabineti i tij.
Por ajo që është vërtet e turpshme dhe skandaloze është përmbajtja e asaj bisede. Kryeministri e shfrytëzon këtë “takim” për të sulmuar opozitën, mediat, bizneset – madje edhe administratën e re amerikane.
E gjithë biseda nxjerr në pah një nivel shqetësues sipërfaqësor dhe të paditur në trajtimin e çështjeve të politikës së jashtme. Dhe nëse kjo është mënyra se si Kurti flet në takime me liderë ndërkombëtarë, atëherë… mozomakeq për ne.
