Zëvendëskryeministri dhe Ministri i Punëve të Jashtme, Shkëmbimit Tregtar dhe Bashkëpunimit e Veprimit Humanitar të Luksemburgut, Xavier Bettel, gjatë qëndrimit në Kosovë ka shijuar edhe prodhimet vendore duke ndarë dhe opinion sesa i shijshëm është ushqimi kosovar.
Ai sot ka shkuar për ta takuar Kurtin i ngarkuar me një qese me prodhime të tregut vendas.
Bettel nuk i ka shkuar Kurtit duarthatë, por me disa biskota vendore, produkt i kompanisë “Liri”.
Madje, ai ka ekspozuar para mediave biskotat kosovare, duke i ngritur lartë me duar strudlet që siç duket kanë lënë shije të mirë te ai.
Bettel është burrështetasi i parë që viziton Kosovën dhe kaq hapur reklamon prodhimet vendase të shtetit tonë.
