Inagurimi i Presidentit të zgjedhur Donald Trump do të zhvendoset në ambientet e brendshme, njoftoi ai të premten, për shkak të temperaturave të ulta që priten në kryeqytetin e vendit.
“Kam urdhëruar që Fjalimi i Inaugurimit, përveç lutjeve dhe fjalimeve të tjera, të mbahen në Rotundën e Capitol-it të Shteteve të Bashkuara, ashtu siç përdori Ronald Reagan në vitin 1985, gjithashtu për shkak të motit të ftohtë,” shkroi Trump në Truth Social.
“Ne do të hapim Capital One Arena të hënën për të parë LIVE këtë evenimenti historik dhe për të mikpritur Paradën Presidenciale. Do t’i bashkohem turmës në Capital One, pas betimit tim,” shtoi Trump.
Zyrtarët janë të shqetësuar për rrezikun që temperaturat e ulëta paraqesin për shëndetin e pjesëmarrësve dhe të ftuarve, një shqetësim që Trump e shprehu të premten.
“Nuk dua të shoh që njerëzit të dëmtohen apo lëndohen në ndonjë mënyrë. Këto janë kushte të rrezikshme për dhjetëra mijëra forcave të rendit, reaguesve të parë, policëve dhe qindra mijëra mbështetësve që do të jenë jashtë për shumë orë në datë 20 “- shkroi Trump.
Presidenti i fundit që u betua në kushte të tilla ishte Reagan në vitin 1985, kur temperaturat gjatë ditës ranë në 7 gradë, me erë të fortë që e bënte temperaturën -25. Reagan e mori betimin brenda rotundës së Capitol-it. Parada e tij u anulua.
