Pas dështimit të 13-të me radhë të seancës konstituive për formimin e institucioneve të reja, deputetja e Lidhjes Demokratike të Kosovës (LDK), Hykmete Bajrami, ka reaguar me tone të qarta politike dhe kritike ndaj qeverisjes aktuale.
Para mediave, Bajrami ka theksuar se qytetarët duhet të marrin një vendim të qartë nëse vendi shkon drejt zgjedhjeve të reja.
“Nëse shkojmë drejt një procesi zgjedhor duhet të jetë shumë i thjeshtë, Kosova apo Albulena Haxhiu”, ka deklaruar ajo.
Përveç çështjes politike, Bajrami ka folur edhe për zhvillimet në sektorin e energjisë, duke e ngritur shqetësimin për mënyrën si po menaxhohet tregu i lirë energjetik në vend.
