Aston Villa ka bërë një hap të madh drejt sigurimit të një vendi në Ligën e Kampionëve, duke arkëtuar tri pikë të çmuara ndaj një rivali direkt.
Skuadra e Unai Emeryt mposhti Tottenhamin me rezultat të pastër 2-0, në përballjen e së enjtes në Premier League.
Pas një pjese të parë pa gola, Konsa (59’) zhbllokoi ndeshjen, ndërsa Kamara (73’) vulosi fitoren me një gol të dytë, duke e çuar skuadrën në kuotën e 66 pikëve dhe duke e ruajtur vendin e katërt në tabelë.
Tottenhami ndërkohë vazhdon të zhgënjejë – kjo humbje e mban në pozitën e 17-të me vetëm 38 pikë, duke shtuar presionin për fundin e sezonit.
