Ivana Stradner, bashkëpunëtore hulumtuese në Fondacionin për Mbrojtjen e Demokracisë në Uashington thotë se nuk ka arrit të jetë prezentë në varrimin e babait të saj i cili vdiq para dy ditësh.
Shkak sipas saj është shenjëstrimi që i është bërë nga presidenti serb Aleksandar Vuciq.
Me prejardhje nga Serbia, Stradner thotë se asaj i është këshilluar të mos jetë në funeralin e babait.
“Babai im ndërroi jetë dhe sapo më thanë që nuk duhet të shkoja në funeralin e tij në Serbi sepse presidenti serb më shënjestroi si objektiv në televizionin kombëtar”, shkroi Ivana Stradner, bashkëpunëtore hulumtuese në Fondacionin për Mbrojtjen e Demokracisë në Uashington.
Ajo deklaroi se ishte shënjestër e kërcënimeve në Serbi, por edhe në SHBA, “për të mbajtur gojën mbyllur”.
“Një ditë, regjimi brutal dhe autoritar i Vuçiqit do të zhduket. Është vetëm e trishtueshme të jesh një person kaq i keq,” tha ajo.
Së shpejti ajo shtoi se kishte marrë shumë mesazhe të këndshme dhe i falënderoi të gjithë.
“Njerëzit që besojnë në liri dhe demokraci shpesh duhet të paguajnë çmimin. Rusia dhe Serbia kanë shkruar më shumë se 15 artikuj të poshtër për vrasjen time, duke përfshirë një propagandë të kohëve të fundit ruse RT që më akuzoi se kam punuar me inteligjencën amerikane për të përmbysur regjimin e tij. Por ai kurrë nuk do të më frikësojë. E di që babai im është shumë krenar për mua. Fatkeqësisht, për shkak të Millosheviqit, ai u desh të largohej nga vendi kur unë isha fëmijë”, tha ajo.
