Reperi shqiptar, Noizy, bashkë me grupin e tij është përfshirë në një incident para dy ditësh në diskotekën “Sancy” në Pejë, ku dyshohet se rrahën brutalisht Muhamet Isenin, i njohur si “Medi” dhe një familjar të tij. Sinjali raportoi ekskluzivisht për sulmin e rëndë, që siç duket se u planifikua nga reperi “Stresi”.
Stresi dyshohet se e preu në besë Isenin duke e ftuar në të njëjtin ambient me Noizyn, edhe pse raportet e tyre qe një kohë janë të tensionuara.
Kurthi në të cilin ra Iseni eskaloi në rrahje brutale nga grupi i reperit Noizy (rreth 8 persona) duke iu shkaktuar lëndime të rënda trupore.
Sinjali ka siguruar ekskluzivisht pamjet e Isenit dhe të afërmit të tij pasi u dërguan në spital për trajtim, ku shihen me plagë të rënda.
Mbrëmë Noizy paralajmëroi se do të performonte në një nga klubet e Ferizajt, por që më vonë u anulua gjithçka.
Diskoteka ku Noizy pritej të ngjitej në skenë pak orë para daljes së reperit, njoftoi publikun se reperi shqiptar nuk do të jetë i pranishëm. Në njoftimin e diskotekës thuhej se reperi e ka anuluar ndejën shkaku arsyeve personale.
Po ashtu në orët e vona, në ‘instastoryn’ e Noizyt u tha se ndeja në Ferizaj nuk do të mbahet.
Po a u arrestua Noizy nga Policia e Kosovës?
Sipas informacioneve të fundi, prokurori e ka rastin në dorë dhe se po merren me ecurinë e rastit.
Kujtojmë se kishte raportuar ekskluzivisht për rrahjen në diskotekën në Pejë, ku u përfshi reperi Noizy me shokë dhe tiktokeri i njohur, Medi Iseni dhe kushëriri i tij.
