Drejtoresha e Drejtorisë Rajonale të Policisë në Mitrovicës e Jugut, Afërdita Mikullovci u pa të hynte në zyrën e Vetëvendosjes në Skenderaj, më 27 janar, ditën që ky subjekt politik mbajti tubim në këtë komunë.
Lidhur me rastin, gazeta ka pyetur edhe Inspektoratin Policorë së a është duke u hetuar raportimi i mediave ndaj drejtoreshës Aferdita Mikullovci, për dyshimet për pjesëmarrje në tubim apo aktivitet të natyrës politike.
IPK i ka thënë rajonit së i ka verifikuar informacionet pas publikimit të lajmeve në media dhe pas verifikimit të informacionit ka rezultuar se ajo në zyret e Vetëvendosjes ka qenë e angazhuar me detyra të natyrës profesionale.
“Ju njoftojmë se IPK sipas detyrës zyrtare ka verifikuar informacionin pas publikimit në medie dhe pas verifikimit të informacionit ka rezultuar se zyrtarja në fjalë ka qenë e angazhuar me detyra të natyrës profesionale policore sipas planit operativ lidhur me tubimin elektoral që është mbajtur atë ditë në Skenderaj”, thuhet në përgjigjjen e dhënë nga IPK.
