Eksperti i sigurisë, Burim Ramadani, ka komentuar mënyrën sesi kryeministri në detyrë Albin Kurti ra në prankun të dy humoristëve rusë, tha se kjo tregoi se Kurti është “dudë” dhe për rreth ka “35 duda tjerë në kabinet”.
Ai tha se më shqetësuese ishte përmbajtja e bisedës, duke thënë se Kurti “foli githa të zezat për popullin e tij”.
Më pas tha se qasja e Kurtit ndaj Richard Grenell ishte “homofobike”.
“Në aspektin institucional, por edhe në dijen e tij, ai ka treguar që ai është kryeministër Dud, i ka edhe nja 35 njerëz aty Duda. Jo vetëm për shkak të grackës, por për shkak të temave që ka fol. Nëse një kryeministër e ka përfaqësu Kosovën që katër vjet kështu duke thënë tana të zezat për popullin e vet, për opozitën, për mediat e popullit të vet, tana zezat për adminsitratën amerikane. Homofobik në rastin e Grenellit, veç për me ndërtu një argument për veten”, ka thënë Ramadani.
