Gjykata Speciale në Hagë ka marrë vendim që t’u vazhdohet paraburgimi edhe për dy muaj të tjerë Rexhep Selimit dhe Jakup Krasniqi.
Paneli i gjyqtarëve ka konstatuar se nuk ka mjaftueshëm informacione se ata mund të ikin nga drejtësia, por ekziston rreziku që ata të pengojnë zhvillimin e procedurave të gjykatës, si dhe të kryejnë krime të tjera.
Po ashtu, sipas gjyqtarëve këto krime kanë rrezik të kryhen ndaj atyre që perceptohen si kundërshtarë të Ushtrisë Çlirimtare të Kosovës, duke përfshirë kështu edhe dëshmitarë që kanë ofruar ose mund të ofrojnë dëshmi gjatë ditëve në vijim.
