Presidenti amerikan Donald Trump, në një veprim ekzekutiv të nënshkruar të hënën, dyfishoi tarifën shtesë për të gjitha mallrat kineze në 20% nga 10%.
Trump tha se tarifat, që synojnë ta sjellin Kinën në tryezë për kufizimin e fentanilit që hyn në Shtetet e Bashkuara, do të rriten sepse vendi komunist nuk ka bërë mjaftueshëm për të frenuar rrjedhën e drogave të paligjshme, shkruajnë mediat e huaja.
Tarifa tashmë prej 20% është mbi çdo tarifë tjetër ekzistuese për mallrat kineze.
Taksat e importit të vendosura nga Trump janë të rëndësishme – më të mëdhatë në historinë SHBA-Kinë.
Tarifat fillestare, të cilat hynë në fuqi më 4 shkurt, vunë në lëvizje tarifa për 1.4 trilion dollarë mallra të importuara.
Kjo është më shumë se trefishi i mallrave të huaja me vlerë 380 miliardë dollarë që u goditën me tarifa gjatë mandatit të parë të Trump, sipas vlerësimeve nga Fondacioni i Tatimeve.
Kina tashmë është hakmarrë me një taksë 15% për disa lloje të qymyrit dhe gazit natyror të lëngshëm dhe një tarifë 10% për naftën bruto, makineritë bujqësore, makinat me zhvendosje të madhe dhe kamionët.
Ajo pritet të hakmerret sërish, megjithëse Trump në komentet në Shtëpinë e Bardhë tha se nuk priste që Kina të hakmerrej shumë.
Para se të bëhej president, Trump premtoi një tarifë prej 60% për të gjitha mallrat kineze, kështu që niveli i tarifave mund të rritet ende.
Ai gjithashtu pritet të lejojë që tarifat prej 25% për Meksikën dhe Kanadanë të hyjnë në fuqi që të martën në mëngjes.
