Presidenti ukrainas, Volodymyr Zelensky, ka reaguar për takimin e tij me liderët e tjerë evropianë në Londër, të dielën.
“Ne ndjejmë mbështetje të fortë për Ukrainën, popullin tonë: ushtarë dhe civilë, pavarësinë tonë”, shkruan ai në Telegram, ka raportuar BBC.
“Ne po punojmë së bashku në Evropë për të krijuar një bazë solide për bashkëpunim me Amerikën për hir të paqes reale dhe sigurisë së garantuar”.
“Uniteti evropian është në një nivel jashtëzakonisht të lartë, i cili nuk është parë për një kohë të gjatë”, shton ai.
