Dua Lipa dhe Callum Turner janë një çift i njohur në botën e shoëbizit. Lidhja e tyre ka tërhequr vëmendjen e mediave dhe fansave për shkak të profilit të tyre të lartë dhe jetës së tyre publike.
Në një dalje të fundit të tyre, Dua Lipa bëri një paraqitje të jashtëzakonshme stili me bizhuteritë e saj luksoze. Në një darkë romantike në Londër, këngëtarja e famshme u shfaq me një kombinim të jashtëzakonshëm të bizhuterive që arrijnë në vlerën e 69 mijë eurove.
Dua Lipa kishte zgjedhur një fustan asimetrik në ngjyrë të kuqërremtë të thellë nga “Bottega Veneta”, të cilin e kombinoi me një çantë angular dhe këpucë të zeza me rripa, gjithashtu nga kjo markë luksoze. Megjithëse këto pjesë të veshjes ishin të shtrenjta, vëmendjen e morën bizhuteritë e saj të mahnitshme.
Ato përfshinin një unazë të mbushur me diamante nga ‘Tiffany & Co’ me çmim 10,000 dollarë, një orë të artë ‘Panthère de Cartier’ me vlerë 21,000 dollarë, dhe një unazë të vogël nga koleksioni ‘Tiffany Hardëear’ që kushton 5,800 dollarë. Për të kompletuar pamjen, ajo kishte veshur një byzylyk të artë ‘Tiffany Lock’ me vlerë 40,000 dollarë, të mbuluar me diamante të prerë në formë të rrumbullakët.
Ky kombinim i bizhuterive luksoze dhe i veshjeve të markave të njohura e bëri Dua Lipën të dallonte me stil dhe elegancë, duke i dhënë një ndjesi të veçantë darkës së saj me të dashurin.
