Të paktën tre persona kanë vdekur në Korenë e Jugut e shtatë të tjerë janë lënduar pasi një pjesë e urës që po ndërtohej u shemb të martën.
Kjo ka ndodhur në qytetin Anseong, 70 kilometra nga Seuli, kur pesë struktura mbështetëse prej 50 metrash nga çeliku u shembën, derisa në anën tjetër po vendosej me vinç.
TheGuardian ka publikuar momentin e shembjes së urës. Agjencia Kombëtare e Zjarrfikësve të Koresë së Jugut njoftoi për rastin, derisa një person dyshohet se ka mbetur nën rrënoja.
Presidenti në detyrë, Choi Sang-mok, bëri thirrje për mobilizim të të gjithë personelit.
