Duke komentuar vrasjen që ndodhi në Bibaj të Ferizajt për “moral”, neuropsikiatri Sami Rexhepi, tha se në vend jo rrallëherë po zbatohet kanuni.
“Përkundër ndryshimeve, shoqëria jonë është duke kaluar në një tranzicion, por jo rrallëherë në këto treva po zbatohet kanuni. Disa herë e kam përsëritur, zakonisht zhvillojmë tema të tilla kur merremi me pasojat, e nuk është asnjë risi tash, se kanuni është në pyetje, po flasim për një traumë kumulative, që ka zgjatur me vite”, tha ai.
“Është diçka, që është nderi i familjes dhe e dini shumë mirë, nëse nuk është marrë gjaku, si është shërbyer dhe si është trajtuar ai familjar ose ajo familje”, është shprehur ai.
