Lëvizja Vetëvendosje sot ka mbajtur tubim në lagjen Iliridë në SHFMU “Migjeni”.
Në këtë tubim të LVV-së ishin të ftuar si mysafir edhe kandidatët Jeta Statovci dhe Nasuf Bejta, por atyre nuk iu dha fjala në këtë tubim.
Pas tubimit “Mitropol” mësoi nga burime brenda këtij tubimi se deputetët Jeta Statovci dhe Nasuf Bejta u përfshinë në një përleshje verbale me kryetarin e VV-së në Mitrovicë, Armend Mujën i cili nuk ua dha fare fjalën në tubim ani pse në sallë kishte mbështetës që kishin ardhur enkas për ta.
Rasti i përleshjes verbale u pa nga shumë mbështetës që ishin prezent në fund të tubimit.
Në këtë tubim, të pranishëm ishin edhe ministrat Xhelal Sveçla dhe Faton Peci.
Ndryshe, shumë nga ish-mbështetësit e Armend Mujës nga kjo lagje, kanë deklaruar vazhdimisht se Muja nuk është i mirëseardhur në lagjen e tyre dhe kanë thënë se më s’kanë votë për të.
