Lëvizja Vetëvendosje (LVV) ka propozuar 2 shkurtin si datë për mbajtjen e zgjedhjeve, bëjnë të ditur burimet e mediave.
Ndërkaq partitë opozitare, PDK, LDK dhe AAK patën propozuar njëzëri si datë 26 janarin.
E, shefja e Grupit Parlamentar të VV-së, Mimoza Kusari-Lila, që është edhe kryetare e Alternativës, pati propozuar 9 dhe 16 shkurtin.
Presidentja e Kosovës, Vjosa Osmani dje ka deklaruar se të premten është dita e fundit kur partitë mund të shpalosin pikëpamjet e tyre për datën e zgjedhjeve, ndërsa në fund do të jetë diskrecion i Presidencës që ta zgjedhë datën më të përshtatshme.
