Kandidati me numër 37 nga Partia Demokratike e Kosovës (PDK), Kurtan Kajtazi, ka shprehur falënderimin e tij të veçantë për përkrahjen e marrë nga banorët e lagjes Qendresa 3 në Vushtrri.
Në një postim të fundit, ai ka theksuar përkushtimin e tij për të punuar për një Kosovë më të mirë, duke theksuar rëndësinë e bashkëpunimit me çdo lagje dhe fshat të komunës së Vushtrrisë.
“Ma mirë edhe në Qendresa 3. Përkrahje e parezervë nga kjo nëndegë sikurse çdo lagje e fshat tjetër të Vushtrrisë, me bindje të plotë se Kosova mundet ma mirë,” ka shkruar Kajtazi në postimin e tij, duke reflektuar optimizëm dhe vendosmëri për të sjellë ndryshime pozitive.
Kajtazi është një nga kandidatët e angazhuar në fushatën e zgjedhjeve të 9 shkurtit 2025, ku fokusi i tij kryesor duket të jetë afërsia me qytetarët dhe adresimi i nevojave të tyre në çdo cep të komunës.
