Evropa do t’i përgjigjet çdo tarife të vendosur nga Presidenti i SHBA-së, Donald Trump në mënyrë proporcionale, tha komisioneri i Bashkimit Evropian për ekonominë të mërkurën.
“Nëse ka nevojë për të mbrojtur interesat tona ekonomike, ne do të përgjigjemi në një mënyrë proporcionale”, i tha Valdis Dombrovskis CNBC-së në margjinat e Forumit Ekonomik Botëror në Davos, Zvicër
Dombrovskis tha se SHBA dhe Evropa ishin aleatë strategjikë dhe është e rëndësishme që ata të punojnë së bashku, si gjeopolitikisht ashtu edhe ekonomikisht.
“Ne jemi të gatshëm të mbrojmë vlerat tona dhe gjithashtu interesat dhe të drejtat tona nëse kjo bëhet e nevojshme”, shtoi ai.
Që nga inaugurimi i tij të hënën, Trump ka përsëritur kërcënimin e tij për të vendosur tarifa për mallrat e BE-së që hyjnë në Shtetet e Bashkuara, duke u thënë gazetarëve se BE-ja ishte “shumë, shumë e keqe për ne.
“Pra, ata do të jenë të interesuar për tarifat. Kjo është mënyra e vetme … ju do të keni drejtësi”, u citua të ketë thënë Trump.
