Një aksident i rëndë ka ndodhur në Drenas, ku një veturë e Policisë është aksidentuar me një tjetër.
Policët janë aksidentuar me veturën e tyre zyrtare, derisa ishin duke shkuar në Mitrovicë, mëson Gazeta nga burimet e saja.
Rastin e ka konfirmuar edhe Flora Ahmeti, zëdhënësja për media e policisë për rajonin e Prishtinës.
“Sot rreth orës 06:00 kemi pranuar informatën se në Drenas, ka ndodhur një aksident trafiku me lëndime”, tha ajo.
“Në këtë aksident kanë qenë të përfshira dy vetura (njëra prej tyre veturë zyrtare e policisë). Si pasojë e aksidentit janë lënduar tre persona . Me rastin po merret njësiti i trafikut rajonal”, tha Ahmeti.
Gazeta merr vesh se zyrtarët policorë i përkasin stacionit policor të Rahovecit, po që për detyrë ishin duke udhëtuar drejt Mitrovicës.
Ende nuk dihet për gjendjen e tyre shëndetësore.
