Kryeministri i Kosovës, Albin Kurti edhe në tubimin e sotëm të fushatës së tij, ka sulmuar prokurorët.
Ai gjatë fjalimit të tij në qytetin e Prizrenit, ka thënë:
“Krerët e prokurorisë, qartazi kanë vdekë për së gjalli. Na duhet, na duhet, doemos, me doemos, na nevojitet një kryeprokuror i ri, profesionist, patrior, i ndershëm”.
Sulmet e Kurtit dhe Lëvizjes Vetëvendosje ndaj prokurorëve janë ashpërsuar, sidomos pas ftesës së tij për t’u intervistuar në cilësinë e dëshmitarit.
Kurti ka refuzuar ta bëjë një gjë të tillë pavarësisht dy ftesave që ka marrë, derisa rasti ka të bëjë me rezervat shtetërore.
Ndërkohë pa pasur asnjë projekt madhor në Prizren, Kurti iu ka folur prizrenasve për pekmezin nga Rahoveci dhe pekmezin me dardha të Suharekës.
