Janë të shumtë ata që duan të jenë pjesë e kompanisë së fluturimeve “Fly Emirates”. Së fundmi, kompania ka zhvillur audicione në Itali ku mbi 100 të rinj kanë aplikur në Venecia.
Të rinjtë kryesisht në të njëzetat e tyre (kërkesa minimale e moshës ishte 21) u rreshtuan me ëndrrën për të fluturuar me linjën ajrore arabe në këmbim të pagës prej 2500 euro në muaj, akomodimit në Dubai, mbulimit shëndetësor, por edhe përfitimeve për blerje dhe aktivitete rekreative në Emiratet e Bashkuara Arabe, si dhe zbritje për veten dhe anëtarët e familjes për fluturimet me këtë kompani.
Kushtet: Gjuha Angleze dhe të paktën një metër gjashtëdhjetë e gjatë. Taka të larta dhe flokët topuz për femrat, fustan i zi dhe këmishë e bardhë.
Ndalohen tatuazhet
Një ëndërr e cila, megjithatë, u shkatërrua menjëherë për ata që zbuluan se kishin një tatuazh, prandaj rreth pesëmbëdhjetë kandidatë u skualifikuan. “Kam disa tatuazhe me stil të hollë në parakrah. Fatkeqësisht, më thanë se nuk do të mund të vazhdoja zgjedhjet pasi përfshinin tatuazhe në një pjesë të dukshme të trupit”, tha një vajzë.
