Kryetari i Aleancës për Ardhmërinë e Kosovës (AAK), Ramush Haradinaj, ka përjashtuar mundësinë që të bëjë koalicion me Lëvizjen Vetëvendosje pas zgjedhjeve të 9 shkurtit.
Ai tha se nuk i përkrah një tjetër mandat të Kurtit në Qeveri.
“Nuk e jap asnjë përkrahje edhe një mandati të Kurtit, me çfarëdo çmimi”, ka thënë Haradinaj.
Madje, ai ka thënë se as nëse kandidohet për president nuk do të bëjë koalicion.
“Nuk kam nevojë për një punë, e kam për vend. Kanë dhënë njerëzit për këtë vend, gjendja e Kosovës është shumë e vështirë, pozita jonë. Sikur të ishim shtet anëtar i OKB-së dhe i NATO’s, përkeqësimi i qeverisë nuk do të na sillte pasoja në temelet e shtetit”, ka thënë Haradinaj.
