Gjenerali Rrahman Rama, sot e nisi ditën me një takim të rëndësishëm në qytetin historik të Prizrenit me pronarët e Abi Çarshisë dhe Abi Center, dy biznese të njohura që kanë një ndikim të madh në zhvillimin ekonomik lokal.
Gjatë takimit, u diskutuan sfidat me të cilat po përballen bizneset në këtë periudhë të vështirë, si dhe nevoja për krijimin e një mjedisi të qëndrueshëm dhe të sigurt për aktivitetin e tyre. Gjenerali Rama theksoi rëndësinë e përkrahjes së vazhdueshme për bizneset vendore dhe falënderoi pronarët për kontributin e tyre në rritjen e vendeve të punës dhe zhvillimin ekonomik të rajonit.
Ky takim është pjesë e përkushtimit të Gjeneralit Rama për të qëndruar pranë komunitetit të biznesit dhe për të ofruar mbështetje në çdo kohë.
