Një aksident i rëndë trafiku, i ndodhur në orët e para të mëngjesit të sotëm në magjistralen Hani i Elezit – Kaçanik, la të vdekur një 22-vjeçare nga komuna e Kaçanikut.
Biznesmeni dhe ish-deputeti i LDK-së, Ramiz Kelmendi, ka reaguar pas vdekjes së Laurina Kuqi e cila ishte punonjëse e ETC-së.
Kelmendi, përmes një postimi në facebook ka bërë të ditur se në mbeshtetje të familjes do ti ofrojë punësim të menjëhershëm njërit nga familjarët e së ndjerës.
“Në orët e hershme të mëngjesit të sotëm, u aksidentua për vdekje kolegia e punës, tashmë e ndjera Laurina Kuqi.
Me këtë rast shprehë ngushëllimet e mia, të familjes dhe të kompanisë e stafit, familjes së të ndjerës dhe kolegëve në Kaçanik. Njëkohësisht në mbeshtetje të familjes i ofrojmë punësim të menjëhershëm njërit nga familjarët e së ndjerës, në përputhje me plotësimin e kritereve të moshës dhe kushteve ligjore.
Poashtu, besojë që familja do shfrytezojë nga sigurimi shëndetësorë dhe aksidental me të cilin e ndjera ka qenë e mbuluar në 365 ditë të vitit në 24 orë! I lehtë i qoftë dheu i Kosovës!”, ka shkruar Kelmendi.
