Arrestohen tre shtetas të Serbisë që provokuan në Manastirin e Deçanit 

Gjatë ditës së sotme në Manastirin e Deçanit derisa po mbahej një meshë, tre persona kanë bërë veprime provokuese.

Ata ishin në një veturë me mbishkrimin “Kosova është Serbi”.

Të njëjtit pas meshës janë ndaluar nga Policia e Kosovës.

“Këta tre persona me udhër të Prokurorit të Shtetit janë dërguar në mbajtje për 48 orë nën dyshimin për nxitje të urrejtjes dhe mos-durimit”, ka thënë zëdhënësi i Prokurorisë Themelore në Pejë, Shkodran Nikçi.