Donald Trump, kandidat i republikanëve dhe ish-president, është shpallur presidenti i 47-të i Shteteve të Bashkuara.
Ai e ka arritur shifrën prej 270 votash të Kolegjit Zgjedhor, aq sa i duhen një presidenti për ta marrë drejtimin e Shteteve të Bashkuara të Amerikës.
Trump ka garuar kundër demokrates, Kamala Harris, aktualisht nënpresidente amerikane, në zgjedhjet e 5 nëntorit.
Vetë Trump, u është drejtuar mbështetësve nga Florida më herët gjatë ditës, dhe është zotuar se do të punojë për ta”shëruar” SHBA-në.
Fitorja e tij është konfirmuar pasi ka triumfuar në katër shtete të papërcaktuara: Pensilvani, Uiskonsin, Karolinë të Veriut dhe Xhorxhia.
