Ministri i Haxhit dhe Umres së Arabisë Saudite, Teufik bin Feuzan bin Rebiah, vizitoi Shqipërinë për të forcuar marrëdhëniet mes dy vendeve dhe për të lehtësuar proceset e vizitave për qytetarët shqiptarë.
Ai theksoi përmirësimet në procedurat e vizave, që tani mund të përfundojnë elektronikisht në pak minuta ose të merren në momentin e mbërritjes.
Përvoja e haxhilerëve në vendet e shenjta Mekë dhe Medinë është përmirësuar falë projekteve të mëdha infrastrukturore, duke përfshirë zgjerimin e Qabes, zhvillimin e aplikacionit “Nusuk” për lehtësimin e rezervimeve dhe ndërlidhjen e Mekës dhe Medinës me tren të shpejtësisë së lartë.
“Në të kaluarën, vizat nga Shqipëria për në Arabinë Saudite kërkonin procedura më të gjata dhe disa ditore, gjithashtu qytetarit i duhej të aplikonte shumë kohë përpara se të mbërrinte në Mbretërinë e Arabisë Saudite. Tashmë, çdokush mund të aplikojë në mënyrë elektronike dhe viza lëshohet brenda pak minutash. Ose, mund të aplikojë për vizë një vizë në momentin e mbërritjes, opsion i cili është gjithashtu i disponueshëm. Për rrjedhojë kemi vënë re një rritje të numrit të vizitorëve nga Arabia Saudite në Shqipëri dhe anasjelltas”.
“Gjithashtu për sa i përket vizitës së shtetasve shqiptarë në Mbretërinë e Arabisë Saudite, veçanërisht në Mekë dhe Medinë, ne tregojmë kujdes që vizita të jetë një eksperiencë e veçantë. Aktualisht janë një sërë vendesh historike, turistike dhe muzeume të cilat janë zhvilluar dhe restauruar dhe që janë vënë në dispozicion të vizitorëve nga Shqipëria, qoftë në Mekë apo Medine”, ka deklaruar Teufik bin Feuzan bin Rebiah.
Programi i Vizioni 2030 i Arabisë Saudite synon të rrisë numrin e pelegrinëve dhe të ofrojë një përvojë të përmirësuar për të gjithë vizitorët.
