Ambasadori suedez, Jonas Westerlund, ka ripërsëritur se serbët në veri duhet të integrohen, duke theksuar se kjo duhet të bëhet permes dialogut.
Westerlund ka theksuar gjithashtu se ura e Ibrit duhet të hapet, por me koordinim me të dyja palët në të dy anët e urës.
“Ura e Ibrit duhet të hapet, por çështja qëndron kur dhe si, prandaj duhet të bëhen konsultime me të dy anët e urës, por mendoj që ura duhet të hapet”, ka thënë Westerlund drejtpërdrejt nga ura e Ibrit.
Ambasadori suedez ka thënë gjithashtu se ka pasur pak zhvillim në veri, ndërsa ka theksuar se duhet të ketë më shumë ivestime në këtë pjesë.
“Ende nuk e kemi një zgjidhje, nuk kemi normalizim. E kemi marrëveshjen e Ohrit që do të duhej zbatuar, por është hap drejt një marrëveshjeje përfundimtare. Nuk ka ndjenjë të urgjencës për ta finalizuar këtë. Kur po shikojmë përreth e njëjta gjë që 25 vjet”, ka thënë Westerlund.
