Shpëtim Hajdaraj, djali i Smajl Hajdarajt, aktivist i LDK-së e komandant i UÇK-së, i vrarë pas luftës, ka shkruar një status, në të cilin ka komentuar familjen Geci, pasi në Prishtinë u shkruajtën grafite kundër Fadil Gecit, vëlla i Gani Gecit.
Hajdaraj ka vlerësuar se që 25 vite, “vëllezërit Geci i thonë të njëjtat fjalë – të vërtetën”.
Tutje, Hajdaraj ka shkruar se drejtësia duhet të fitojë për të gjithë.
“Qe 25 vite, vëllezërit Geci i thojnë të njëjtat fjalë – të vërteten. Të njëjtat fjalë po i thonë edhe sot.
Ndërsa ata që kanë rrejtë, i ndryshojnë fjalët vazhdimisht, se nuk e mbajnë mend rrenën paraprake” – ka shkruar ai.
Sjellim ndër mend që në Prishtinë, të disa lokacione të ndryshme, u shfaqën grafite kundër Fadil Gecit, i cili dëshmoi në rastin e ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, në Gjykatën Speciale në Hagë.