Jetlir Zyberaj, këshilltar i ish-presidentit Pacolli i është përgjigjur deklaratave të ministrit Bujqësisë, Faton Peci, i cili tha për Pacollin se “ka qef me ba filma” dhe se është “politikan shumë kontravers”.
Këto deklarata Peci i bëri kur u pyet për deklaratat e Pacollit, se në prezencë të Kurtit e Osmanit përmes Milan Radojiçiqit i kishte siguruar votat e nevojshme për ta zgjedhur Osmanin presidente.
Zyberaj ka thënë se reagimi i Pecit është nervoz dhe ofendues dhe “është një shembull i qartë se si ata po përpiqen të fshehin të vërtetën dhe të manipulojnë publikun”.
Tutje Zyberaj ka thënë se Peci është i përjashtuar prej vendimmarrjes nga shefat e tij.
“Ministri i Bujqësisë në qeverinë Kurti, megjithëse nuk është përfshirë drejtpërdrejt apo përmendur në çështjen në fjalë, ka reaguar me nervozë, pavarësisht se nuk ka luajtur asnjë rol dhe është përjashtuar nga procesi i vendimmarrjes nga boset e tij”, ka shkruar Zyberaj në Facebook.
