Kreu i Partisë së Lirisë, Ilir Meta u arrestua mesditën e kësaj të hëne në afërsi të Casa Italia në Tiranë.
Një foto e siguruar nga TCh shihet momenti i arrestimit të Metës, automjeti i të cilit është rrethuar nga agjentët e BKH-së.
Të tjera detaje janë zbardhur në lidhje me arrestimin e kryetarit të Partisë së Lirisë, Ilir Meta. Gazetari Igli Çelmeta raporton se masë sigurie “detyrim paraqitje” është dhënë edhe për ish bashkëshorten e tij, Monika Kryemadhi.
Ndërkohë mësohet se masa janë dhënë edhe për disa bashkëpunëtorë të Ilir Metës, por ende nuk ka detaje të hollësishme.
Ilir Meta u vu në pranga mesditën e kësaj të hëne (21 tetor) në hyrje të Tiranës, kur kreu i PL po shkonte drejt selisë për të mbajtur një konferencë.
Ilir Meta u vu në pranga nga agjentë të BKH të asistuar edhe nga punonjës policie, ndërsa ishte nën shoqërinë e shoferit.
