Kryetari i Aleancës për Ardhmërinë e Kosovës (AAK), Ramush Haradinaj, e ka quajtur rritjen prej 20 për qind të pensioneve “lëmoshë”.
“Nuk është befasi. Ne e kemi pritur që e bën këtë Kurti, ai i ka trajtuar pensionistët në mënyrën më mizore gjatë këtyre viteve. Mizore se nuk është njerëzore ky trajtim që e ka bërë ai”, tha Haradinaj.
Kreu i AAK-së prezantoi edhe një pjesë të planprogramit zgjedhor për pensionistët.
Sipas tij, në mandatin e tij qeverisës pensionistët do të përfitojnë rritje prej 90 për qind.
Haradinaj ka premtuar se asnjë pension nuk do të jetë nën 500 euro.
