Një ditë pikëlluese ka qenë e sotmja për familjen Krasniqi nga fshati Zhilivodë i Vushtrrisë, ku pas një kontakti me rrymën ka ndërruar jetë 22 vjeçari Endrit Krasniqi.
Siç njoftohet nga të afërmit, së shpejti do të dihet për kohën e ceremonisë së varrimit të të ndjerit pasi të përfundojnë procedurat e mjekësisë ligjore.
Lajmin e ka konfirmuar Policia së Kosovës.
“Sot rreth orës 10:00, policia në Vushtrri është njoftuar se në fshatin Zhilivodë të Vushtrrisë një person i moshës 22 vjeç, ishte goditur nga rryma elektrike në shtëpinë e tij”.
“Njësitë policore menjëherë kanë shkuar në atë lokacion mirëpo viktima në ndërkohë ishte dërguar nga familjarët në Emergjencën e ShSKUK në Prishtinë për trajtim mjekësor”.
“Rreth orës 11:23, policia ishte njoftuar nga Emergjenca se viktima kishte humbur jetën. Në vendin e ngjarjes kanë dalë njësitë kompetente policore dhe eksperti i rrymës. Janë ndërmarrë veprimet e nevojshme policore dhe është kontaktuar prokurori kujdestar”.
Rasti është inicuar: Vdekje e dyshuar, ndërsa trupi i pajetë është dërguar në Institutin e Mjekësisë Ligjore.
