rani ka nisur një sulm të egër ndaj Izraelit, duke lëshuar me qindra raketa. Deri tani raportohen vetëm për dy persona të lënduar, teksa nuk ka viktima. “Kupola e Hekurt” që mbulon Izraelin ka funksionuar më së miri dhe raketat janë shkatërruar në ajër.
Por çfarë është sistemi antiraketor Iron Dome që mbron Izraelin?
Sistemi përdor radarë për të zbuluar dhe përgjuar raketat dhe dronët.
Iron Dome u zhvillua nga Sistemet e Mbrojtjes së Avancuar të Rafael në pronësi shtetërore të Izraelit me mbështetjen e SHBA. Ai përbëhet nga një seri njësish raketore të lëvizshme të tërhequra me kamionë, të vendosura në të gjithë vendin.
NEW VIDEO: Iranian missiles impact Israel. pic.twitter.com/XZIyMjaDzx
— Breaking 4 News (@Breaking_4_News) October 1, 2024
Kur radarët e tyre zbulojnë një kërcënim, informacioni dërgohet në një “qendër të menaxhimit të betejës”, ku personeli ushtarak e analizon atë, duke parashikuar rrugën e tij dhe pikën e goditjes dhe vendos se cilin raketë lëshues do të përdorë për ta kapur atë.
Kundër-raketat më pas lëshohen drejtpërdrejt për ta neutralizuar atë.
Kupola, e njohur si Kippat Barzel në hebraisht, reagon brenda pak sekondash dhe funksionon 24 orë në ditë.
Fillimisht ajo ishte projektuar për të mbrojtur qytetet dhe vendet strategjike kundër raketave me një rreze prej 2.5 deri në 43 milje, por mendohet se është zgjeruar.
Ajo ka bllokuar më shumë se 90% të raketave të lëshuara drejt Izraelit, me një version detar të vendosur për të mbrojtur anijet dhe asetet e tjera në 2017.
Kjo është arsyeja pse numri i vdekjeve izraelite në luftën aktuale me Hamasin ka mbetur i ulët, ndërsa ato në Gaza vazhdojnë të rriten.
Sulmi i Iranit më 13 prill pa 170 drone, 120 raketa balistike dhe 30 raketa lundrimi, “99%” e të cilave u kapën nga Iron Dome, sipas të dhënave të Forcave të Mbrojtjes të Izraelit.
Aktualisht raportohet se sistemi ka rrëzuar pjesën dërrmuese të raketave të lëshuar nga Irani. Ushtria izarelite raporton se sulmi ka mbarur dhe njerëzit po dalin nga zonat ku ishin strehuar.
