Kryeministri i Kosovës, Albin Kurti, është duke qëndruar në Shtetet e Bashkuara të Amerikës. Atje Kurti është pritur në shoqatën shqiptaro-amerikane nga Struga.
Aty Kurti ka përmendur rëndësinë e ndërhyrjes së NATO-s për çlirimin e Kosovës, ndërsa ka folur edhe për Reçakun si moment vendimtar për ndërhyrjen e NATO-s.
Kurti ka thënë se ndërhyrja e NATO-s dhe avionët e saj e çliruan Kosovën 87 vjet nga okupimi i saj. Kurti ka përmendur edhe Ushtrinë Çlirimtare.
Në tubim ka marrë pjesë edhe Ambasadori William Walker.
“E vërteta nga deklarata e William Woker, në Reçak të Shtime më 15 janar 1999, e tronditi dhe e ndërgjegjësoi jo vetëm diplomacinë botërore, por edhe opinionin publik ndërkombëtar që ishte moment vendimtar që më pas solli edhe ndërhyrjen e NATO-s për t’i dalë zot Kosovës dhe njerëzve që kishin përballë gjenocidit të Serbisë, njerëz që kishin në krah UÇK-së, por në atë rast edhe avionët e NATO-s për të na nxjerr nga ajo krizë humanitare dhe për ta çliruar Kosovën pas 87 viteve të okupimit të saj”, ka thënë Kurti.
